Sunday, March 6, 2016

மாபெரும் நல்லிணக்க நிகழ்ச்சி - அபுதாபி மண்டலம்

இறைவன் நாடினால்.... 
-------------------------------------

த. மு.மு.க - அபுதாபி மண்டலம் சார்பாக, வரும் வியாழக்கிழமை (10.03.2016) அன்று மாபெரும் நல்லிணக்க நிகழ்ச்சி நடைபெற உள்ளது.
 இடம் : Salam Street - (LuLu Center Supermarket, Building) - 7th Floor

எழுச்சி உரை:
----------------------
சகோ. கோவை. செய்யது அவர்கள்.
(மாநில துணை பொதுச் செயலாளர் ம.ம.க)




























சமுதாய சொந்தங்கள் அனைவரையும் அன்புடன் 
அழைக்கின்றது

- த. மு.மு.க - அபுதாபி மண்டலம்

Tuesday, August 18, 2015

பேராசிரியர். ஜவஹிருல்லாஹ் அவர்களுடன் சந்திப்பு

ராமநாதபுரம் சட்டமன்ற உறுப்பினர் பாசமிகு த.மு.மு.க மூத்த தலைவர்
பேராசிரியர். ஜவஹிருல்லாஹ் அவர்களை த.மு.மு.க அபுதாபி நிர்வாகிகள் 14.08.2015 அன்று சந்தித்தபோது எடுத்துக்கொண்ட புகைப்படம்.



Thursday, November 29, 2012

அபுதாபி மண்டல த.மு.மு.க வின் நிர்வாக மறு சீரமைப்பு

அபுதாபி மண்டலத்தில் நிர்வாக மறு சீரமைப்பு வெள்ளிக்கிழமை(23.11.2012) அன்று மாலை 8.00 மணி அளவில் அமீரகத்தின் துணை தலைவர் ஹுசைன் பாஷா தலைமையில் தலைவராக பொதக்குடி தாஜுதீன், துணை தலைவராக அபுல் ஹசன், செயலாளராக திருச்சி சபியுல்லாஹ், துணை செயலாளராக ராமநாதபுரம் இஸ்மாயில் மற்றும் அடியக்கமங்கலம் ஷேக் தாவூத், பொருளாளராக கீழை சாதிக் பாஷா, மக்கள் தொடர்பாளராக இஸ்மாயில்ஷா, மார்க்க சொற்பொழிவாளராக திருச்சி அப்துல் ரஹ்மான், அபூதர் ஆகியோர் தேர்ந்து எடுக்கப்பட்டார். மேலும் செயலாளராக பணியாற்றி வந்த கீழை அஹமது நிரந்தரமாக தாயகம் செல்வதால் அவர்களுக்கு பிரிவு உபசார விழா இனிதே நடைப்பெற்றது நிகழ்ச்சிகளில் அபுதாபியின் அனைத்து பகுதி நிர்வாகிகளும் கலந்துகொண்டனர்.

Sunday, August 5, 2012

த.மு.மு.க அபுதாபி நகர கிளை சார்பாக தர்பியா நிகழ்ச்சி

கடந்த 03 - 08 - 2012 அன்று வெள்ளி கிழமை சரியாக ஜும்மாவிற்கு பிறகு நிகழ்ச்சி இனிதே தொடங்கியது.  துணை செயலாளர் கீழை அஹ்மத் அவர்கள் கிராத் ஓதி தொடங்கி வைத்தார். சிதம்பரம் சுஜஜாவுதீன் அவர்கள் தலைமை தாங்கினார். செயலாளர் கீழை இர்பான் அவர்கள் தர்பியாவின் நோக்கம் என்ற தலைப்பில் துவக்க உரை நிகழ்த்தினார். 

அடுத்து திருச்சி அப்துல் ரஹ்மான் அவர்கள்  இறையச்சம் என்ற தலைப்பில் உரை நிகழ்த்தினார். தாயகத்திலிருந்து வருகை தந்துள்ள  த.மு.மு.க மாநில செயலாளர் தருமபுரி சாதிக் பாஷா அவர்கள் சுயபரிசோதனை என்ற தலைப்பில் சிறப்புரை நிகழ்த்தினார்கள். இறுதியாக கேள்வி பதில் நிகழ்ச்சி நடைபெற்றது. நிர்வாகிகள் கருத்துரைக்கையில் இது போன்ற நிகழ்ச்சி மாதம் ஒரு முறை அவசியம் என்று கூறினார்கள். அபுதாபி நேஷனல் எளிவேட்டர் நிறுவனம் சார்பாக மிகவும் சிறப்பாக இப்தார் ஏற்பாடு செய்யப்பட்டு இருந்தது.

Saturday, August 4, 2012

சரித்திரம் படைத்த அபுதாபி தமுமுக இஃப்தார் நிகழ்ச்சி

சரித்திரம் படைத்த அபுதாபி தமுமுக இஃப்தார் நிகழ்ச்சி ஐக்கிய அரபு அமீரகம் அபுதாபி மண்டலம் தமுமுக சார்பாக கடந்த 02-08-2012 வியாழக் கிழமை அன்று கேரளா ஷோசியல் சென்டரில் நடைபெற்றது. இருமேனி ஆலிம் இஸ்மாயில் குர்ஆன் வசனங்களை ஓதி நிகழ்ச்சியை துவக்கி வைத்தார். அபுதாபி மண்டல துணைத்தலைவர் அபுல் ஹசன் வரவேற்புரை நிகழ்த்தினார்.

அபுதாபி மண்டலம் தமுமுக செயலாளர் கீழை இர்பான் தலைமையில் நடை பெற்ற இந்நிகழ்ச்சியில் ஐக்கிய அரபு அமீரக தமுமுக தலைவர் அப்துல் ஹாதி அமீரக பொதுச்செயலாளர் கட்டிமேடு நூருல்லாஹ் அபுதாபி மண்டல தமுமுக பொருளாளர் கீழை சாதிக் மற்றும் நிர்வாகிகள் முன்னிலை வகித்தனர்.


திருச்சி அப்துல் ரஹ்மான் இறையச்சத்தை அதிகரிப்போம் என்ற தலைப்பிலும் ஏ.எஸ்.இப்ராஹிம் பித்ராவின் அவசியம் என்ற தலைப்பிலும், ஐக்கிய அரபு அமீரக தமுமுக தலைவர் அப்துல் ஹாதி கடந்து வந்த பாதை என்ற தலைப்பிலும் துவக்கவுரை நிகழ்த்தினார்கள்.


தாயகத்திலிருந்து வருகை தந்திருக்கும் தமுமுக மாநில செயலாளர் தர்மபுரி சாதிக் அவர்கள் நேர்வழி என்ற தலைப்பில் சிறப்புரை நிகழ்த்தினார்கள். அபுதாபி மண்டல தமுமுக துணை செயலாளர் முகவை இஸ்மாயில் அவர்கள் நன்றி உரை நிகழ்த்த, இறுதியாக துஆ ஓதி நிகழ்ச்சி நிறைவு பெற்றது.

நிகழ்ச்சியின் சிறப்புகள்

•   வேலை நாளில் நடத்தப் பட்டது.
• வெப்பத்தையும் பொருட்;படுத்தாமல் தமுமுக நிகழ்ச்சிக்காக மக்கள்    திரண்டனர்
• பிரதான சாலையிலிருந்து அரங்கம் வரை வரவேற்பு குழவினர்
• நோன்பு துறப்புக்காக மிகசிறப்பான உயர்தர உணவு ஏற்பாடுகள்

தொழில் அதிபர்கள், அனைத்து சகோதர அமைப்பை சேர்ந்தவர்கள் மற்றும் அபுதாபி வாழ் தமிழ் மக்களும் 300 க்கும் அதிகமானோர் திரளாக கலந்து கொண்டு சிறப்பித்தனர்.

நிகழ்ச்சி ஏற்பாடுகளை உஸ்மான், மவ்லவி இஸ்மாயில்ஷா, மொய்தீன்,  சாதிக், அஹ்மத் மற்றும் ஸ்டிஃபன் ஆகிய குழுவினர் 10 தினங்களாக கடுமையாக பணி செய்து மக்களை அழைத்தனர்.

 அல்ஹம்துலில்லாஹ்!

Monday, July 23, 2012

15 வது ஆண்டு ரமலான் (இப்தார்) சிறப்பு நிகழ்ச்சி

அஸ்ஸலாமு அலைக்கும் (வரஹ்)...

த.மு.மு.க   அபுதாபி மண்டலம் சார்பாக இன்ஷா அல்லாஹ் வரும் 02.08.2012 (வியாழக்கிழமை), அன்று மாலை 4.30 மணிக்கு 15 வது ஆண்டு ரமலான் (இப்தார்) சிறப்பு நிகழ்ச்சி நடைபெற உள்ளது. அனைவரும் தவறாது கலந்து கொள்ளவும்.

குறிப்பு: பெண்களுக்கு தனி இட வசதி செய்யப்பட்டுள்ளது.

-  த.மு.மு.க அபுதாபி மண்டலம்

Tuesday, July 10, 2012

அபுதாபி மண்டல த.மு.மு.க புதிய நிர்வாகம்

06.07.2012, வெள்ளிகிழமை அன்று அபுதாபி மண்டல தமிழ்நாடு முஸ்லீம் முன்னேற்றக் கழகம் சார்பில் தர்பியா நிகழ்ச்சி நடைபெற்றது. சகோ. பீர் முஹம்மது அவர்கள் கிராத் ஓதி துவக்கி வைத்தார். த.மு.மு.க அபுதாபி சிட்டி து.தலைவர் ஆலிம். இஸ்மாயில் ஷா மற்றும் த.மு.மு.க அமீரக செயலாளர் சகோ.யாசின் நூருல்லாஹ் ஆகியோர் மார்க்கம் மற்றும் சமுதாயம் பற்றி உரையாற்றினார்கள் நிகழ்ச்சியின் இறுதியில் அபுதாபி மண்டல த.மு.மு.க  புதிய நிர்வாகம் த.மு.மு.க அமீரக செயலாளர் சகோ. யாசின் நூருல்லாஹ் அவர்கள் தலைமையில் தேர்ந்து எடுக்கப் பட்டது.

தலைவர் : பொதக்குடி. தாஜுதீன்

செயலாளர் : பொறியாளர். இர்பான்

பொருளாளர் : கீழை.சாதிக் (ETA)

துணைத்தலைவர் : பொறியாளர். அபுல் ஹசன்

துணைச்செயலாளர்கள்:

1. முகவை. எஸ். இஸ்மாயில்
2. கீழை. அஹமது அப்துல் காதர்
3. குடவாசல். நாசர்

மக்கள் உரிமை பொறுப்பாளர் : சபியுல்லாஹ்

செயற்குழு உறுப்பினர்கள்:

காயல் பட்டிணம்.  லெப்பை தம்பி,
பொறியாளர். ஹாலித்
கீழை. ஷாகுல் ஹமீது
அஹமது ஜிப்ரி
கீழை. ரிபாய்

Wednesday, June 13, 2012

இஸ்லாமிய சகோதர சகோதரிகளுக்கான தஃவா நிகழ்ச்சி

இன்ஷா அல்லாஹ் எதிர்வரும் 15.06.2012 வெள்ளி மாலை 6 மணியளவில் - இஸ்லாமிய சகோதர சகோதரிகளுக்கான தஃவா நிகழ்ச்சி @ இஸ்லாமிக் அஃபயர்ஸ் அரங்கம் - மம்ஜார் துபாய்
 

Sunday, May 20, 2012

தமுமுகவின் அமீரக செயற்குழு

தமுமுகவின் அமீரக செயற்குழு


மண்டல நிர்வாகிகள் அனைவரும் தங்களை அறிமுகப்படுத்திக்கொண்ட பிறகு தங்களது மண்டல செயற்பாடுகளை விளக்கினர். அதோடு எதிர்கால செயல்பாடுகளின் திட்டமிடல்களையும் பகிர்ந்துகொண்டனர்.
அமீரக தலைவர் அதிரை.அப்துல் ஹாதி அவர்களும், அமீரக செயலாளர் யாசின் நூருல்லாஹ் அவரகளும் அமீரகத்தில் தமுமுக கடந்துவந்த பாதைகளையும், பலவேறு சகோதர்களின் தியாகத்தையும் சுட்டிக்காட்டியதோடு, மிகப்பெரிய இடையூறுகளுக்கு மத்தியிலும், பொருளாதார சிக்கல்களுக்கு மத்தியிலும் அமீரகத்தில் இயக்கம் கட்டமைக்கப்பட்ட வரலாறையும் எடுத்துரைத்தார்கள்.

இரவு முதல் ஃபஜ்ரு வரை நடைபெற்ற செயற்குழுவில் அமீரகத்தின் செயற்பாடுகள் எதிர்கால செயல் திட்டங்கள் குறித்து மாபெரும் நீண்ட விவாதம் நடைபெற்றது. நெடிய விவாதத்தின் இறுதியில் அமீரக செயற்குழு உறுப்பினர்களின் ஒருமித்த கருத்தில் தற்பொழுது இயங்கிகொண்டிருக்கும் அதே நிர்வாகம் மீண்டும் நீடிப்பது என்றும் அமீரக நிர்வாகத்தை விரிவுபடுத்தி அனைத்து மண்டலங்களுக்கும் பொறுப்பாளர்கள் நியமிக்கப்படுவது என்றும் அந்த பொறுப்பாளர்கள் அனைத்து மண்டலங்களின் செயற்பாடுகளை கவணிப்பதோடு அமீரக செயற்குழு உறுப்பினர்கள் என்ற அந்தஸ்தில் அமீரக பணிகளையும் கவனிப்பது என்றும் இவர்கள் அமீரக நிர்வகத்திற்கு தயாராகும் பட்சத்தில் அவர்களை அமீரக நிர்வாகத்திற்கு ஏற்றம் கொடுப்பது என்றும் முடிவு எடுக்கப்பட்டது.

ரமலான் மாதம் நெருங்குவதால் அமீரத்திற்கு தாயகத்தில் இருந்து ஒரு தாயியை அழைத்து மார்க்க பயான்கள் நடத்துவது என்றும் தீர்மானிக்கப்பட்டது. சில முக்கிய முடிவுகளுக்குப்பின் துவாவுடன் செயற்குழு முடிவுற்றது. வருகைதந்த அனைவரும் தங்களது பணிகளை பகிர்ந்துகொண்ட மன நிறைவோடும், எதிர்கால பணிகளின் கணவுகளோடும் சொந்த சகோதரர்களை சந்தித்த சந்தோசத்தோடு கலைந்துசென்றனர்

Tuesday, February 21, 2012


தமுமுக, ஜாக், இதஜ மற்றும் இயக்கம் சாரா தவ்ஹீத் சகோதரர்கள் அனைவரும் ஒன்றிணைந்து அமீரக வரலாற்றில் முதன்முறையாக தமிழ் இஸ்லாமிய நிகழ்ச்சியினை துபை அவ்காஃப் வளாக அரங்கில் ஏற்பாடு செய்தனர்.


இறையருளால் 10.02.2012 அன்று துபை அல்கூஸில் உள்ள அல் மனார் இஸ்லாமிய மையத்திலும் 17.02.2012 அன்று துபை அவ்காஃப் (இஸ்லாமியத்துறை) அரங்கிலும் ஜாக் அமைப்பின் மாநிலத் துணைத் தலைவர் கோவை அய்யூப் அவர்களின் பயான் மிகச் சிறப்பாக நடைபெற்றது.

சிறப்பு அழைப்பாளர் கோவை அய்யூப் அவர்கள் 'இஸ்லாம் அன்றும் இன்றும்' என்ற தலைப்பிலும் மற்றும் 'அந்த நாள் வரும் முன்' என்ற தலைப்பிலும் மிக அருமையான உரை நிகழ்த்தினார்கள்.


நிகழ்ச்சியினை சமுதாய புரவலர் கீழக்கரை ரஃபி அஹ்மது, தமுமுக அமீரக தலைவர் அதிரை அப்துல் ஹாதி மற்றும் தமுமுக அபுதாபி செயலாளர் பொறியாளர்.கீழை இர்பான், இ த ஜ கீழை ஜமீல் மற்றும் கமால், அதிரை ஜமால் உள்ளிட்டவர்களின் ஒருங்கிணைப்பில் மிக சிறப்பான ஏற்பாடு செய்யப்பட்டு இருந்தது.

நிகழ்ச்சிக்கு அமீரகத்தின் பல பகுதிகளிலும் இருந்து மக்கள் வந்தனர். ஆண்களுக்கு சமமாக பெண்களும் கலந்து கொண்டனர். அரங்கம் நிரம்பி வழிந்தது.

இஸ்லாமிய அழைப்பாளர் பொதக்குடி ஜலால் அவர்களும் தமுமுகவின் அமீரக தலைமை நிர்வாகி பொறியாளர்.ஜெய்லானி அவர்களும் தமுமுக அபுதாபி தலைவர் பொதக்குடி தாஜுதீன் அவர்களும் மற்றும் சமுதாய பிரமுகர்களும் கலந்து கொண்டனர்.

இந்நிகழ்ச்சியினை ஜாக், தமுமுக, மமக, இதஜ மற்றும் இயக்கம் சாராத தவ்ஹீத் சகோதரர்கள் அனைவரும் ஒன்றிணைந்து மிக சிறப்பாக நடத்தினர். 

தமுமுகவின் நிர்வாகிகளான முகவை. இஸ்மாயில் இந்நிகழ்ச்சியின் அழைப்பிதழை வடிவமைத்தார். படம்  கீழை அஹ்மது.

அல்ஹம்துலில்லாஹ்!

Tuesday, February 7, 2012

10.02.2012 அன்று துபை அல் மனார் சென்டரில் கோவை அய்யூப் சிறப்புச் சொற்பொழிவு!

அஸ்ஸலாமு அலைக்கும் வரஹ்...


10.02.2012 அன்று துபை அல் மனார் சென்டரில் கோவை அய்யூப் அவர்கள் கலந்து கொண்டு இஸ்லாம் அன்றும் - இன்றும் என்ற தலைப்பில் சிறப்புச் சொற்பொழிவு !

Wednesday, December 14, 2011

முல்லை பெரியாறு அணை விவகாரம் ஆர்பாட்டம்


முல்லை பெரியாறு அணை விவகாரம் ஆர்பாட்ட போஸ்டர்



Wednesday, November 30, 2011

அல்அய்னில் மார்க்க சொற்பொழிவு நிகழ்ச்சி

அல்அய்ன் மண்டல தமுமுக சார்பில் மாதாந்திர மார்க்க சொற்பொழிவு நிகழ்ச்சி 25.11.2011 அன்று கத்தாரா கிளிண்கோ கேம்ப் பள்ளிவாசலில் நடைபெற்றது. நிகழ்ச்சிக்கு அமீரக தமுமுக துணைச் செயலாளர் டாக்டர் அப்துல் காதர் தலைமை தாங்கினார். கத்தாரா கிளை தமுமுக தலைவர் காட்டுமன்னார்குடி அஸ்கர் அலி திருக்குர்ஆன் ஓதினார். 

ஷார்ஜாவிலிருந்து வந்திருந்த இஸ்லாமிய அழைப்பாளர் நாசர் அலி கான் ‘அர்ஷின் நிழலில்’ என்ற தலைப்பில் சிறப்புரையாற்றினார். பின்னர் மார்க்கம் தொடர்பான சகோதரர்களின் கேள்விகளுக்கு பதிலளித்தார்.

இரத்த தானம் செய்ய வேண்டும் என்பதை ஆர்வமூட்டும் வகையில் அல்அய்ன் ஜிம்மி மருத்துவமனையில் பணிபுரியும் தமிழகத்தை சேர்ந்த சகோதரர் டாக்டர் பீர்முஹம்மது  ரத்த தானம் செய்வதன் அவசியம் குறித்து விளக்க உரையாற்றினார். பின்னர் இரத்த தானம் செய்வது தொடர்பான சகோதரர்களின் கேள்விகளுக்கு பதிலளித்தார். இறுதியாக அல்அய்ன் மண்டல தமுமுக துணைச் செயலாளர் வடகால் எஸ்.புர்ஹானுதீன் நன்றியுரை ஆற்றினார்.

மகாம், ஜிமி, செனையா, மசியாத் மற்றும் கத்தாரா உள்ளிட்ட அல்அய்ன் நகரின் பல்வேறு பகுதிகளிலிருந்து சகோதரர்கள் பெரும்திரளாக கலந்து கொண்டனர்.

Sunday, November 27, 2011

த.மு.மு.க செயற்குழு - இராமநாதபுரம் மாவட்டம்

இராமநாதபுரம் மாவட்ட த.மு.மு.க செயற்குழு கூட்டம் மாவட்ட தலைவர் எஸ்.சலிமுல்லாகான் தலைமையில் மஸ்ஜித் தக்வா பள்ளியில் நடைபெற்றது.


Thursday, October 27, 2011

வாக்காளராக சேர இன்னொரு வாய்ப்பு

வாக்காளராக சேர இன்னொரு வாய்ப்பு

வாக்காளராக சேர இன்னொரு வாய்ப்பு கிடைத்துள்ளது. அடுத் தாண்டு ஜனவரி 1ம் தேதி 18 வயது நிரம்புகின்ற வாக்காளர் களை வாக்காளர் பட்டியலில் சேர்க்கும் வகையில் வாக்காளர் பட்டியல் சிறப்பு சுருக்க முறை திருத்தப் பணிகள் துவங்கு கிறது. இதனையொட்டி வரைவு வாக்காளர் பட்டியல் வெளியிடப் பட்டுள்ளது.

வருவாய் கோட்டாட்சியர், நகராட்சி ஆணையர், தாசில் தார் அலுவலகங்கள், அனைத்து வாக்குச்சாவடி அமைவிடங்களி லும் வரைவு பட்டியல் பார்வைக்கு வைக்கப்படும்.

பெயர் சேர்க்க, நீக்க, திருத்தம் செய்ய மனுக்களை வரும் நவம்பர் 8ம் தேதி வரை அளிக்கலாம். மேலும் மனுக்களை பெற வரும் அக்டோபர் 30ம் தேதி, நவம்பர் 6ம் தேதி ஞாயிற்றுகிழமைகளில் சிறப்பு முகாம்கள் நடைபெறுகிறது.

மேலும் வரும் 29ம் தேதி மற்றும் நவம்பர் 1ம் தேதி ஆகிய நாட்களில் கிராமசபை கூட்டங்கள் நடத்தப்பட்டு வாக்காளர் பட்டியலில் தொடர்புடைய பாகம், பிரிவு ஆகியன படிக்கப்பட்டு பெயர்கள் சரிபார்க்கப்படும். வெளிநாட்டில் வசிக்கின்ற இந்திய குடிமக்கள் பெயர்கள் வாக்காளர் பட்டியலில் சேர்க்க சம்பந்தப்பட்ட வாக்காளர் பதிவு அதிகாரியிடம் படிவம் 6ஏ நேரில் அளிக்கப்பட வேண்டும். அல்லது வாக்காளர் பதிவு அதிகாரிக்கு தபாலிலும் படிவத்தை அனுப்பலாம்.

வாக்காளர் பட்டியலில் பெயர் சேர்க்க ஒரு வாய்ப்பு

சென்னையில்: சென்னை மாவட்ட தேர்தல் அதிகாரியும், சென்னை மாநகராட்சி ஆணைய ருமான தா.கார்த்திகேயன் நேற்று வெளியிட்ட அறிக்கை: கடந்த பொதுத் தேர்தலின்போது சென்னை மொத்த வாக்காளர்கள் 31,71,856 பேர். இவர்களில் ஆண்கள் 15,90,289 பேர். பெண்கள் 15,80,923 பேர். இதர இனம் 374 பேர். கடந்த மார்ச் மாதம் 26ம் தேதி முதல் 9,117 ஆண்கள், 8,960 பெண்கள், இதர இனத்தினர் 7 பேர் வாக்காளர் பட்டியலில் சேர்க்கப்பட்டனர். பட்டியலில் இருந்து 170 ஆண்களும், 152 பெண்களும் நீக்கப்பட்டனர். இறுதியாக 15,99,236 ஆண்கள், 15,89,731 பெண்கள், 381 இதர இனம் என மொத்தம் 31,89,348 பேர் இடம் பெற்றுள்ளனர்.

பட்டியலில் சேர்க்க, திருத்த, நீக்க 8ம் தேதிக்கு பிறகு பெறப்படும் விண்ணப்பங்கள் ஏற்கப்படாது. வாக்காளர் பட்டியலில் பெயர் சேர்க்க சிறப்பு முகாம் 30ம் தேதி, நவம்பர் 6ம் தேதி ஞாயிற்று கிழமையும் நடைபெறும். இந்த நடவடிக்கைகள் முடிந்த பிறகு இறுதி வாக்காளர் பட்டியல் அடுத்த ஆண்டு ஜனவரி 5ம் தேதி வெளியிடப்படும். இவ்வாறு அறிக்கையில் கூறப்பட்டுள்ளது.

என்ன படிவம் தேவை?

வாக்காளர் பட்டியலில் முதன் முறையாக பெயர் சேர்க்க படிவம் எண் 6, வெளிநாட்டில் வசிக்கும் இந்திய குடிமக்கள் பெயர் சேர்க்க படிவம் 6 ஏ, ஒரு சட்டமன்ற தொகுதிக்கு உள்ளேயே மாறியிருந்தால் படிவம் 8 ஏ, பெயரை நீக்க படிவம் 7, பெயர், வயது, பாலினம், உறவு முறை முதலிய பதிவுகளில் திருத்தம் அல்லது சரியான உருவப்படம் இடம் பெறச் செய்ய படிவம் 8ல் விண்ணப்பிக்க வேண்டும்.

படிவங்களை தேர்தல் ஆணைய இணையதளத்தில் இருந்தும் பதிவிறக்கம் செய்து கொள்ளலாம். விண்ணப்பங்கள் மீது வாக்காளர் பதிவு அதிகாரி ஆணை பிறப்பிக்கும் முன்னர் வாக்குசாவடி நிலை அலுவலர் மூலம் வீடு வீடாகச் சென்று விண்ணப்பம் மீது விசாரணை நடத்தப்படும். அதன் பின்னரே பெயர் பட்டியலில் சேர்க்கப்படும்.

Wednesday, October 19, 2011

ஜமாஅத் தொழுகையை அலட்சியம் செய்வோரின் நிலை!

குர்ஆன், ஹதீஸ் என்று பேசும் நம்மில் பலர் பள்ளிவாசலுக்கு சென்று ஜமாஅத்தாக தொழுவதில் அலட்சிம் காட்டுகின்றனர். ஜமாஅத்தாக தொழுவதின் முக்கியத்துவத்தையும் அதை தவற விடுவதால் ஏற்படும் நஷ்டங்களைப் பற்றிய நபி (ஸல்) அவர்களின் எச்சரிக்கைகள் நிறைய இருக்கின்றன.




ஜமாத்அத் தொழுகைகளை விடுபவர்களுக்கான நபி (ஸல்) அவர்களின் எச்சரிக்கைகள்: -

“ஸுப்ஹு, இஷா ஆகிய தொழுகைகளை விட முனாஃபிக் (வேடதாரி)களுக்குப் பாரமான தொழுகை வேறு எதுவும் இல்லை. அந்த இரண்டு தொழுகைகளையும் (ஜமாஅத்தாகத்) தொழுவதிலுள்ள நன்மையை மக்கள் அறிவார்களானால் தவழ்ந்தாவது அத்தொழுகைக்கு வந்து சேர்ந்து விடுவார்கள். இகாமத் சொல்லுமாறு முஅத்தினுக்கு நான் கட்டளையிட்டுப் பின்னர் ஒருவரை இமாமாக நின்று தொழுகை நடத்துமாறு கூறி, அதன் பின்பு எவரேனும் தொழுகைக்கு வராமல் இருந்தால் அவர்களைத் தீயிட்டுக் கொளுத்த நான் நினைத்தேன்.” என்று இறைத்தூதர்(ஸல்) அவர்கள் கூறினார்கள்” என அபூ ஹுரைரா(ரலி) அறிவித்தார்.

கண்பார்வையற்றவருக்கே வீட்டில் தொழ அனுமதியில்லை: -

கண்பார்வையற்ற ஒருவர் நபி (ஸல்) அவர்களிடம் வந்து அல்லாஹ்வின் தூதரே! என்னை பள்ளிக்கு அழைத்து வருபவர் யாருமில்லை. எனவே வீட்டிலேயே தொழுவதற்கு அனுமதிக்குமாறு வேண்டினார். நபி (ஸல்) அவர்கள் அவருக்கு அனுமதி வழங்கி, அவர் சென்று கொண்டிருக்கும் போது அவரை அவர்கள் அழைத்து தொழுகைக்காக பாங்கு சொல்லப்படுவதை நீர் கேட்கிறீரா? என்றனர். அதற்கவர் ஆம் என்றதும் அந்த அழைப்புக்கு நீ (ஜமாஅத்துக்கு வருவதன் மூலம்) பதிலளிப்பீராக! என்று நபி (ஸல்) அவர்கள் கூறினார்கள். அறிவிப்பவர் : அபூஹுரைரா (ரலி), முஸ்லிம்.

இயலாதவரைக் கூட கைத்தாங்கலாக பள்ளிக்கு அழைத்துவரவேண்டும்: -

ஜமாஅத்தில் கலந்து கொள்ளாது தன் வீட்டில் தொழுபவரைப் போல நீங்களும் உங்கள் வீடுகளில் தொழுவீர்களானால் உங்கள் நபியின் வழிமுறையை கைவிட்டவர்களாவீர்கள். உங்கள் நபியின் வழிமுறையை நீங்கள் கைவிட்டீர்களானால் நிச்சயம் வழிதவறிப் போவீர்கள். எவர் உளூச் செய்து – அதை நல்ல முறையில் செய்து இப் பள்ளிகளில் ஏதேனும் ஒன்றை நாடி வருகிறாரோ அல்லாஹ் அவருக்கு – அவர் எடுத்து வைக்கும் ஒவ்வொரு எட்டுக்கும் பதிலாக ஒரு நன்மையை எழுதி, ஒரு பதவியை உயர்த்துகிறான். மேலும் ஒரு தீமையை அவரை விட்டும் அகற்றுகிறான். மேலும் ஒரு தீமையை அவரை விட்டும் அகற்றுகிறான். எங்களிடையே நான் பார்த்திருக்கிறேன் பகிரங்கமான சந்தர்ப்பவாதிகளைத் தவிர வேறெவரும் ஜமாஅத்துக்கு வராமல் இருக்க மாட்டார். திண்ணமாக இயலாதவரைக் கூட இரண்டு பேர் கைத்தாங்கலாக அழைத்து வந்து வரிசையில் நிறுத்தப்படும் என்று இப்னு மஸ்ஊத் (ரலி) அவர்கள் அறிவிக்கிறார்கள். ஆதாரம் :முஸ்லிம்.

ஜமாஅத்தை விட்டு தனியாக தொழுபவர் ஷைத்தானின் பிடியில் எளிதில் அகப்பட்டுவிடுவார்: -


‘ஒரு பேரூரில் அல்லது சிற்றூரில் முஸ்லிம்களில் மூவர் மட்டுமே வாழ்ந்து, அங்கு ஜமாஅத்துடன் தொழுகை நிறைவேற்றப்படவில்லையானால் அவர்கள் மீது ஷைத்தான் ஆதிக்கம் பெற்றுவிடுகிறான். எனவே ஜமாஅத்துடன் தொழுவதை இன்றியமையாததெனக் கொள்! ஏனென்றால், இடையனை விட்டும், மந்தையை விட்டும் விலகிச் செல்லும் ஆட்டையே ஓநாய் (எளிதில்) வேட்டையாடுகிறது’ என்று நபிகள் நாயகம் (ஸல்) அவர்கள் நவின்றுள்ளார்கள். அறிவிப்பவர் : அபுத் தர்தா (ரலி), ஆதாரம் : அபூதாவூது.

ஜமாஅத் தொழுகையை விடுவது முனாஃபிக் (நயவஞ்சகத்)தனம்: -

எவரொருவர் அல்லாஹ்வுக்கு முற்றிலும் கீழ்ப்படிந்த நிலையில் மறுமைநாளில் அவனைச் சந்திக்க விரும்புகின்றாரோ அவர் – ஐவேளைத் தொழுகைகளை மிகவும் பேணுதலுடன் கடைப்பிடிக்க வேண்டும். அவற்றைப் பள்ளியில் சென்று ஜமாஅத்துடன் நிறைவேற்ற வேண்டும். ஏனென்றால் அல்லாஹ் உங்களின் தூதருக்கு ‘சுன்னத்துல் ஹுதா’வைக் கற்றுத் தந்துள்ளான். இத்தொழுகைகள்யாவும் அதனைச் சார்ந்தவைதாம். நயவஞ்சகர்கள் தம் தொழுகைகளை வீட்டில் இருந்துகொண்டு நிறைவேற்றுவது போல் நீங்களும் வீட்டில் இருந்தவாறே தொழுகைகளை நிறைவேற்றுவீர்களாயின் நீங்கள் திருத்தூதர் (ஸல்) அவர்களின் வழிமுறையை விட்டுவிட்டால் நேரிய வழியை (ஸிராத்துல் முஸ்தகீமை) விட்டவர்களாகின்றீர்கள். ஆதாரம் :முஸ்லிம்.

தக்க காரணமின்றி ஜமாத் தொழுகையை விட்டுவிட்டால் அவனின் தொழுகை மறுமையில் ஏற்றுக்கொள்ளப்படமாட்டாது: -

நபிகள் நாயகம் (ஸல்) அவர்கள் கூறியுள்ளார்கள் ‘ஒருவன், முஅத்தின் (பாங்கு சொல்பவர் ) தொழுகைக்காக விடுக்கம் அழைப்பினைச் செவியேற்றதும் – அதன்பக்கம் விரைந்து வருவதிலிருந்து தடுக்கும் காரணம் எதுவுமில்லையானால், தனித்து நின்று நிறைவேற்றப்படும் அவனின் தொழுகை (மறுமைநாளில்) ஏற்றுக்கொள்ளப்பட மாட்டாது.’

அப்போது தோழர்கள் பெருமானார் (ஸல்) அவர்களிடம், ‘காரணம் என்று கூறினீர்களே, அது என்ன? எவை எவை காரணங்களாக அமைய முடியும்?’ என வினவ, ‘அச்சமும் நோயும் தாம்!’ என்று பெருமானார் (ஸல்) விடை பகர்ந்தார்கள். அறிவிப்பவர்: இப்னு அப்பாஸ் (ரலி), ஆதாரம் : அபூதாவூத்

ஜமாஅத்தாக தொழுவதின் சிறப்புகள்: -

ஜமாஅத் தொழுகை தனியாக தொழுவதை விட இருப்பத்தி ஐந்து மடங்கு சிறந்தது. மேலும் வானவர்களும் ஜமாத் தொழுகைக்காக செல்பவர்களுக்காக பிரார்த்திக்கின்றனர்: -

“ஒருவர் தம் வீட்டில் அல்லது கடை வீதியில் தொழுவதை விட ஜமாஅத்துடன் தொழுவது இருபத்தி ஐந்து மடங்கு சிறந்ததாக இருக்கிறது. அதாவது, ஒருவர் உளூச் செய்து, அதை அழகாகவும் செய்து, பின்னர் தொழ வேண்டுமென்ற எண்ணத்திலேயே பள்ளிவாசலுக்குப் புறப்பட்டால் அவர் எடுத்து வைக்கும் ஒவ்வொரு காலடிக்கும் அல்லாஹ் ஓர் அந்தஸ்தை உயர்த்துகிறான். ஒரு பாவத்தை அழிக்கிறான். அவர் தொழுமிடத்தில் அவருக்காக வானவர்கள் பிரார்த்திக்கின்றனர். தங்கள் பிரார்த்தனையில் ‘இறைவா! நீ இந்த மனிதனின் மீது அருள் புரிவாயாக! உன்னுடைய கருணையை அவருக்குச் சொரிவாயாக!’ என்றும் கூறுவார்கள். உங்களில் ஒருவர் தொழுகையை எதிர்பார்த்திருக்கும் போதெல்லாம் அவர் தொழுகையிலேயே இருக்கிறார்” என்று இறைத்தூதர் (ஸல்) அவர்கள் கூறினார்கள். அறிவிப்பவர்: அபூ ஹுரைரா(ரலி), ஆதாரம் : புகாரி.

ஜமாஅத்தாக தொழுபவரின் ஈமான் செழித்தோங்குகிறது: -

பெருமானார் (ஸல்) அவர்கள் கூறியுள்ளார்கள் ‘ஒருவன் தனித்து நின்று நிறைவேற்றும் தொழுகையைவிட மற்றொருவனுடன் சேர்ந்து நிறைவேற்றம் தொழுகை ஈமானின் வளப்பத்திற்கும் முன்னேற்றதிற்கும் காரணமாகின்றது. மேலும், ஒருவருடன் சேர்ந்து அவர் நிறைவேற்றும் தொழுகையைவிட இருவருடன் சேர்ந்து நிறைவேற்றும் தொழுகை மென்மேலும் ஈமான் செழித்தோங்கக் காரணமாகின்றது. இன்னும் எத்தனை அதிகப் பேருடன் மக்கள் தொழுகையை நிறைவேற்றுகின்றார்களோ அல்லாஹ்விடத்தில் அது மிகவும் உதந்ததாகும். (அந்த அளவு அல்லாஹ்வுடன் தொடர்பு வலுப்பெறும்.) அறிவிப்பவர்: உபைபின் கஅப் (ரலி), ஆதாரம் : அபூதாவூது

ஜமாஅத் தொழுகைக்காக நீண்ட தூரம் நடந்து வருபவர்களுக்கு அதிக நன்மையுள்ளது: -

‘யார் நீண்ட தூரத்திலிருந்து நடந்து தொழுகைக்கு வருகிறார்களோ அவர்களுக்கு மற்ற எல்லோரையும் விட அதிகம் நன்மை உண்டு. ஜமாஅத் தொழுகையை எதிர்பார்த்திருந்து இமாமுடன் தொழுகிறவருக்குத் தனியாகத் தொழுதுவிட்டுத் தூங்கி விடுபவரை விட அதிகம் நன்மையுண்டு’ என்று இறைத்தூதர்(ஸல்) அவர்கள் கூறினார்கள்” என அபூ மூஸா(ரலி) அறிவித்தார். ஆதாரம் : புகாரி.

பஜ்ர் மற்றும் இஷா தொழுகைகளை ஜமாஅத்தாக தொழுவதின் சிறப்புகள்: -

நம்முடைய சகோதரர்களில் சிலர் பள்ளிவாசலுக்கு சென்று தொழுதாலும் இஷா மற்றும் பஜ்ர் தொழுகை நேரங்களில் பள்ளிக்கு வருவதற்கு அலட்சியமாக இருந்து விடுகின்றனர். அதிலும் குறிப்பாக பஜருடைய தொழுகையில் பள்ளியில் எண்ணிக்கை மிக சொற்பமாகவே காணப்படுகின்றது.

தவழ்ந்தாவது பள்ளிக்கு வருவார்கள்: -

“தொழுகையை ஆரம்ப நேரத்தில் தொழுவதன் சிறப்பை மக்கள் அறிவார்களானால் அதற்காக விரைந்து செல்வார்கள். ஸுப்ஹ் தொழுகையிலும் அதமா(இஷா)த் தொழுகையிலும் உள்ள நன்மையை அறிவார்களானால் தவழ்ந்தாவது (ஜமாஅத்) தொழுகைக்கு வந்து சேர்ந்து விடுவர்.” என்று இறைத்தூதர்(ஸல்) அவர்கள் கூறினார்கள். அபூ ஹுரைரா(ரலி) அபூ ஹுரைரா(ரலி), ஆதாரம் : புகாரி.

Thursday, October 13, 2011

வெற்றி பெற செய்வோம் ஊர் பொது வேட்பாளர் சகோதரி.மெகர்பானுவை

இறைவனின் திருப்பெயரால்...

வெற்றி பெற செய்வோம் ஊர் பொது வேட்பாளர் சகோதரி.மெகர்பானுவை...



அஸ்ஸலாமு அலைக்கும் (வரஹ்)...

அன்பார்ந்த கீழக்கரை சகோதரர்களே! சகோதரிகளே! நம் அனைவருக்கும் இப்போது பெரும் பொறுப்பு வந்துள்ளது... இங்கு எதை நான் குறிப்பிடுகின்றேன் என்றால் நமது ஊர் சேர்மன் தேர்தலை பற்றி தான். அல்லாஹ்வுடைய பெரும் கிருபையை கொண்டு ஊரில் உள்ள ஜமாத் பெரியவர்கள்; மற்றும் நம் செந்தங்களான மற்ற மத அமைப்ப...ு பெரியவர்கள் அனைவரும் ஒர் பள்ளிவாசலில் ஒன்று கூடினார். ஏன்? இன்று நமது ஊரில் இருக்கும் அடிப்படை பிரச்சனையான குப்பையில் இருந்து மற்ற அத்தனை பிரச்சனையையும் நிவர்த்தி செய்ய முடியாமலும் திரண்பட நிர்வகிக்காமல் விட்ட நகராட்சி சேர்மன் மற்றும் நிர்வாக அதிகாரிகள் சீர்கேட்டை ஒழிக்க வேண்டும். இனியாவது வரும் நகராட்சி சேர்மன்; ஊர் நலனில் அக்கரை உள்ளவராக ஒருவரை நாம் தேர்ந்து எடுக்க வேண்டும் என்ற ஆவலில் ஊர் பெரியவர்கள் நமது ஊர் நலன் கருதி ஓரு பொது வேட்பாளரை தேர்வு செய்ய வேண்டும் என்று கூட்டத்தை கூட்டினார்கள். ஆக்கூட்டத்தில் ஊர் பெரியவர்களின் கட்டுப்பாட்டில் ஊர் நலன் கருதி மட்டும் பணிசெய்யும் ஒரு சேர்மனை தேர்தெடுக்க வேண்டும் என்ற முடிவில் பள்ளிவாசலில் பல கூட்டங்கள் கூட்டி விருப்பமனு கொடுத்தவர்களை பரிசீலனை செய்து தகுதிவாய்ந்த ஒருவர் யார் என்று இந்த குழுவினர் தேர்ந்தெடுத்தனர். மேலும் மனிதநேய மக்கள் கட்சியின் தலைமையும் மற்றும் ஊர் நிர்வாகிகளும் மிகவும் ஆவளாக கட்சி சார்பில் பேட்டியிடுவதற்கு வேட்பாளரை பரிசீலித்து வைத்திருந்தும் ஆனால் கீழக்கரையில் உள்ள ஜமாத் பெரியவர்கள்; மற்றும் மற்ற மத அமைப்பு பெரியவர்கள் ஒன்று கூடி ஊர் நலன் கருதி மட்டும் பணிசெய்யும் ஒரு சேர்மன் வேட்பாளரை தேர்தெடுத்த செய்தி அறிந்தவுடன் அந்த நல்ல நோக்கத்தை ஆதரிக்க வேண்டும் என்ற காரணத்தினால் மனிதநேய மக்கள் கட்சி தலைமை கீழக்கரையில் தனி வேட்பாளர் நிறுத்தாமல் கீழக்கரை ஜமாத் பொது வேட்பாளருக்கு ஆதரவு தெரிவித்தார்கள். இவ்வாறு இந்த பொது வேட்பாளர் வெற்றி பெற்று நமது ஊருக்கு கிடைக்கும் நலன்கள் பற்றி அறிந்த அனைத்து சமுகத்தினரும் ஆதரவு தெருவித்து வருகின்றனர். பரவலாக கீழக்கரை ஜமாத் பொது வேட்பாளர் செல்லும் இடமெல்லாம்; மக்கள் தங்கள் ஆதரவை வெளிப்படையாக தெருவித்து வருகின்றனர். வெளிநாட்டில் இருக்கும் நாம் நமது ஊர் நலனில் அக்கரை கொண்டு நாமும் இந்த பொது வேட்பாளர் என்ற ஒரு மெகா முயற்சியில் ஈடுபட்ட குழுவில் நமது பங்களிப்பு செய்ய வேண்டும். அதற்காக நாம் நமது குடும்பத்தார்கள் மற்றும் நண்பர்களிடம் தொடர்பு கொண்டு ஊர் பொது வேட்பாளர் சகோதரி.மெகர்பானுக்கு கை கடிகார சின்னத்தில் வாக்களியுங்கள் என்று வலியுறுத்த வேண்டும். ஊர் பொது வேட்பாளர் சகோதரி.மெகர்பானு வெற்றி பெற உங்கள் தொழுகையிலும் இறைவனிடம் துவா செய்யுங்கள்...
நாம் வாக்களிக்க வேண்டிய சின்னம் கை கடிகாரம்...

நமது ஊர் பொது வேட்பாளர் சின்னம் கை கடிகாரம்...

நமது ஊர் ஒற்றுமையை காக்க வந்த சின்னம் கை கடிகாரம்...

நமது ஊரில் இருந்து அரசியல் கொள்ளையர்களை விரட்டும் சின்னம் கை கடிகாரம்...

நமது ஊரில் மாற்று அரசியலின் அடையாளச் சின்னம் கை கடிகாரம்...

நமது ஊரில் உள்ள குப்பைகளை சுத்தம் செய்ய வந்த சின்னம் கை கடிகாரம்...

மக்களால் தேர்ந்தெடுக்க பட்ட வேட்பாளர் சின்னம் கை கடிகாரம்...

நமது சகோதரி மெகர்பானுவின் சின்னம் கை கடிகாரம்... கீழக்கரை சமூக ஆதரவாளரின் சின்னம் கை கடிகாரம்...

மனிதநேய மக்கள் கட்சியின் ஆதரவு பெற்ற சின்னம் கை கடிகாரம்...

நாம் ஆதரிக்கும் சின்னம் கை கடிகாரம்...

நாம் ஆதரிக்க சொல்லும் சின்னம் கை கடிகாரம்... கை கடிகாரம்...

தொகுப்பு

கீழை.இர்பான்
செயலாளர்
தமிழ்நாடு முஸ்லீம் முன்னேற்றக் கழகம் -  அபுதாபி

http://www.tmmkuae.tk/